【輕鬆行 - 嘉頓山】
嘉頓山位於深水埗區，又叫做喃嘸山，因為鄰近嘉頓廠房🍞，所以大家都叫佢做嘉頓山。
咁點去呢？🤔
搭地鐵係深水埗站，D2出口出，一路向美荷樓方向行。係上美荷棲嘅小斜路，行到差唔多到美荷樓，係右手邊有個位可以轉落去。而牆身都有塊好大嘅牌，寫住前往嘉頓山由此路進。
沿灰身牆身小路直入，好快就會見到綿延不斷嘅樓梯，大家只要拾級而上，如果中途無特別休息，大約十幾二十分鐘，就可以攻頂架啦🧗♀️！
想係鬧市輕鬆體驗行山樂趣，嘉頓山絕對係一個唔錯嘅選擇👍。或者係深水埗食得太飽，都可以嚟行下，消化下，行完再食過都仲得！😂😂😂
不過如果你有樓梯恐懼症，或者膝頭唔係咁好，咁可能就未必咁適合你啦！
Search